شڕۆڤەكرنا چیرۆكا فۆلكلۆرییا (كێزا تەڕا جان) ل دویڤ چاپۆكیێن هزرا (مەتیۆ لیپمەن)ی
ئەدەبیات وەك ڕەنگڤەدانا جڤاكی و جەمسەرەك ژ پێكهاتا گشتیا چیرۆكێ، هەر ژ دەستپێكێ ژ گۆشەنیگایێن جۆراوجۆرێن نڤیسەرانڤە، دیتنەكا تایبەت ب زارۆكی هەبوویە؛ لەوڕا ب درێژاهیا دیروكێ و ب بابەتێن جۆراوجۆر، ڕاستەوخۆ و ناڕاستەوخۆ و د چارچووڤێن هوزان و پەخشاناندا، باس ل زارۆكان كرینە. سەرەڕای ئەڤێ چەندێ ژی...
| Main Authors: | , |
|---|---|
| Format: | Article |
| Language: | Arabic |
| Published: |
Universiy of Zakho
2023-06-01
|
| Series: | گۆڤارا زانستێن مرۆڤایەتی یا زانكۆیا زاخۆ |
| Subjects: | |
| Online Access: | https://hjuoz.uoz.edu.krd/index.php/hum/article/view/1273 |
| Summary: | ئەدەبیات وەك ڕەنگڤەدانا جڤاكی و جەمسەرەك ژ پێكهاتا گشتیا چیرۆكێ، هەر ژ دەستپێكێ ژ گۆشەنیگایێن جۆراوجۆرێن نڤیسەرانڤە، دیتنەكا تایبەت ب زارۆكی هەبوویە؛ لەوڕا ب درێژاهیا دیروكێ و ب بابەتێن جۆراوجۆر، ڕاستەوخۆ و ناڕاستەوخۆ و د چارچووڤێن هوزان و پەخشاناندا، باس ل زارۆكان كرینە.
سەرەڕای ئەڤێ چەندێ ژی د دابەشكرنا جۆر و ناڤەڕۆكا بابەتێن خوە ژی، ژانرێن جیاواز بكار هیناینە، بۆ نموونە چیرۆك بۆ فێركاری و و پەروەردەكرن و ب خورتكرن و وەرارا هێزا خەیالێ و چێكرنا وێنەیێن ژ هەڤ جودایێن ژیانێ بكارهیناینە و هوزان و ستران ژی بەهرا پتر بۆ یاری و مژویلاهیا زارۆكان بوویە، هەر چەندە د بەهرا پتریا ئەوان هوزاناندا ژی لایەنێ پەروەردەیی نەهاتینە ژبیر كرن.
بێگومان بیرمەند و زانایێن كوردان ژی، زۆر زیرەكانە شیاینە گەلەك پرسێن پەروەردەیی، د چارچووڤەكێ سادە و ساكار یان د بیرتیژەیكا فەلسەفیدا و د پێكهاتا چیرۆكاندا باس بكەن، كو هەمان فەلسەفەیا ژیانێ و چەوانیا ب ڕێڤەبرنا ژیانا ڕۆژانەیە.
ئەڤ ڤەكۆلینە ب فۆكس خستن لسەر كاریگەریا چیرۆكا فۆلكلۆرییا (كێزا تەڕا جان)ا زارۆكان، لسەر وەرارا هزرا زارۆكان و مەرەم و مەبەستێن سەرەكیێن ئەوان، كو ل پشت واتایێن پەیڤ و دەستەواژەیاندا د ڤەشارتینە، ڕادوەستیت و ڕێژا كاریگەریا باشی و خرابیێن ئەوێ چیرۆكێ لسەر زارۆكان نیشان ددەت.
ڤەكولین لژێر ناڤێ (شڕۆڤەكرنا چیرۆكا فۆلكلۆرییا (كێزا تەڕا جان) ل دویڤ چاپۆكیێن هزرا ڕەخنەییا (مەتیۆ لیپمەنی)یە كو د كویراتیا واتایێن دەقاندا نقوم دبیت و دێ لدویڤ گریمانا (وەرارا هزی) و پەیوەندیا ئەوان ب چیرۆكێڤە چیت و ب (خوازەیێن پشت هزرا چیرۆكێ) و (هێزا خەیالێ) و ... هتد، ڤێ چەندێ سەلمینیت.
ڤەكۆلەر دێ لدویڤ مۆدێلا (مەتیۆ لیپمەن)ی و لسەر ڕێبازا وەسفی شڕۆڤەكاری، كار كەن و دویڤچوونا ئەڤێ چیروكا فۆلكلۆرییا زارۆكان كەن.
ئارمانج ژ ئەڤێ ڤەكۆلینێ ئەوە كو پەیوەندییا ڕاستەوخۆیا ئەدەبیاتا زارۆكان ب جڤاكێ كوردانڤە بهێتە سەلماندن و ئەو تەوەرێن، ڕاستەوخۆ و ناڕاستەوخۆ ب وەرارا هزرییا زارۆكانڤە گرێدایی ژی بهێنە دیار كرن.
|
|---|---|
| ISSN: | 2664-4673 2664-4681 |